قصيده عن الحد الجنوبي

علـى الحـد الجنوبـي للبواسـل يـاوطـن ميـعـاد
تـدك اقصـى حصـون الشـر والشلـه تزلزلـهـا
على الميعـاد حنـا ياوطـن وقـت الجهـاد جهـاد
نـفـادي بالعـمـار وفـرحــة الـعــدوان نقتـلـهـا
تحت راي الزعيم اللي عن اوطان العروبه ذاد
ودافـع عــن حـقـوق المسلمـيـن ولا تجاهلـهـا
حكيمـا بالمواقـف يعـرف المـصـدار والمـيـراد
سياسـيـا مـحـنـك يـنـقـض الـخـطـه ويفتـلـهـا
ابومتعب ملكنا اللي على عرش الجزيـره سـاد
ملكنـا اللـي يـزور النـاس فـي داخـل منازلـهـا
مثـل مـا يفعـل الفـاروق فـي عهـده هنـا ينعـاد
يـعـيـده خـــادم البيـتـيـن عـبــدالله ويفـعـلـهـا
هـذا الأب الحنـون اللـي بقلـبـه للحـنـان بــلاد
هـذا اللـي شـال هـم شعـوب واسقاهـا وأكلـهـا
عسـى الله يحفظـك ذخـرا لنـا ياسيـد الأسـيـاد
ويشفـي سـاعـدك سلـطـان وسنيـنـه يطولـهـا
ابوخالـد حليـف الجـود راع الـزود يـامـا جــاد
يميـنـه بالعطـايـا مـثـل غــر الـمــزن وابـلـهـا
شجاعا صيرميـا شامـخ الهامـه شمـوخ اوتـاد
شمـوخ اوتـاد الأرض اللـي خلقهـا الله وجللها
وسمـو النـايـب الثـانـي وزيــر الداخلـيـه قــاد
صقـورا تحفـظ امـن الـدار خارجهـا وداخلـهـا
على الإرهاب شب النار نايـف للصقـور سنـاد
يـداهـم شـلـة الإرهــاب فــي داخـــل معاقـلـهـا
ولا انسى بدر دوره بالحرس بارز ولـه ميـراد
اميـرا وقفـتـه تحـسـب وصـعـب انــا نهملـهـا
ومتعب طال عمره له مع اصحاب الشداد شداد
اوامــر سـيـدي يـامـر بـهـا متـعـب ويزهلـهـا
تـرى كـل الكتايـب جـاهـزه للـحـرب والإمــداد
مواقفـنـا تـشـرف والـعـرب تـعــرف فعايـلـهـا
عسـى الله يحفـظـك يـادارنـا ويـدمـر الحـسـاد
نـهـايـة شـلــة الـحـوثـي نعـلـقـهـا بأسـافـلـهـا

صح السانك